Hyderabad Traffic Police Introduces Discount On Pending Challans From Today
TS E Challan Discount: నిమిషానికి 700 నుంచి 1,000 పెండింగ్ చలాన్లు కియర్.. ఆఫర్ అప్పటివరకే కావడంతో..
Samayam Telugu | Updated: 1 Mar 2022, 10:45 am
Subscribe
Traffic Challans: రాష్ట్రవ్యాప్తంగా వాహనాల పెండింగ్ చలాన్ల ఆఫర్ మొదలైంది.. నిమిషానికి 700 నుంచి 1,000 వరకు చలాన్లను అధికారులు క్లియర్ చేస్తున్నారు. ఉదయం నుంచే పోలీస్ ఈ-చలాన్ వెబ్‌సైట్‌తోపాటు ఈ-సేవ, మీ-సేవ సెంటర్లో భారీగా పెండింగ్ చలనా వాహనదారులు క్లియర్ చేసుకుంటున్నారు..
Samayam Teluguరాష్ట్రవ్యాప్తంగా వాహనాల పెండింగ్ చలాన్లపై డిస్కౌంట్ ఆఫర్ మొదలైంది.. వాహనదారుల నుంచి మంచి స్పందన వస్తోంది.. నిమిషానికి 700 నుంచి 1000 వరకు చలాన్లను అధికారులు క్లియర్ చేస్తున్నారు. నేటి ఉదయం నుంచి పోలీస్ ఈ-చలాన్ వెబ్‌సైట్‌తోపాటు ఈ-సేవ, మీ-సేవ సెంటర్లలో భారీగా పెండింగ్ చలన్ల వాహనదారులు క్లియర్ చేసుకుంటున్నారు.
నేటి నుంచి ఈనెల చివరి వరకు (మార్చి 30) ఈ ఆఫర్ కొనసాగుతుందని ఇప్పటికే పోలీసు అధికారులు అధికారికంగా ప్రకటించారు. టు వీలర్ వాహనదారులకు 75 శాతం రాయితీని ప్రకటించగా.. అదే మాదిరిగా కార్లు, మోటార్ వెహికల్స్‌కు 50 శాతం రాయితీ ఇచ్చారు. అలాగే తోపుడు బండ్ల నిర్వాహకులకు 80 శాతం రాయితీ ఇచ్చారు. ఇటు ఆర్టీసీ బస్సులకు 70 శాతం రాయితీలను ప్రకటించారు.
దీంతో పాటుగా మాస్కు ధరించకుండా తిరిగిన వారికి రూ.వెయ్యి రూపాయలు జరిమానా విధించారు. ఇప్పుడు కేవలం రూ.వంద రూపాయలు చెల్లిస్తే సరిపోతుందని అధికారులు ప్రకటించారు. సవరించిన రాయితీల అన్నింటినీ కూడా తమ వెబ్‌సైట్లో పొందుపరచడం జరిగిందని పోలీస్ ఉన్నతాధికారి ఏవీ రంగనాథ్ తెలిపారు.
ఇక రాష్ట్రవ్యాప్తంగా కోట్లలో పెండింగ్ చలాన్లు ఉన్నాయి.. దీనికి సంబంధించి కొన్ని లక్షల కేసులు కోర్టులో పెండింగ్‌లో ఉన్నాయి ముఖ్యంగా డ్రంక్ అండ్ డ్రైవ్ తో పాటుగా పలు కేసులు కోర్టులో పెండింగ్‌లో ఉన్నాయి. ఒక్క హైదరాబాద్‌లోనే దాదాపు రూ.600 కోట్ల రూపాయల వరకు పెండింగ్ చలానా రూపంలో వాహనాలదారుల నుంచి రావాల్సి ఉంది. ఈ నేపథ్యంలోనే రాయితీలు ప్రకటించి పెండింగ్ చలాన్లను వసూలు చేయాలని ప్రభుత్వం నిర్ణయించింది. ఆ మేరకు అధికారులు చర్యలు తీసుకున్నారు.. పెండింగ్ చలాన్లు ఉంటే ఈ నెలలో నిర్వహిస్తున్న స్పెషల్ డ్రైవ్‌ను ఉపయోగించుకోవాలని వాహనదారులకు పోలీస్ శాఖ సూచిస్తోంది..
ఇటు హైదరాబాద్‌లో ప్రమాదాలు ఏ సమయంలో జరుగుతున్నాయనే విషయమై కూడా అధ్యయనం చేశారు. రాత్రిపూట మాత్రమే ఎక్కువగా ప్రమాదాలు జరుగుతున్నాయని ట్రాఫిక్ పోలీసులు గుర్తించారు. రాత్రి సమయాల్లో వాహనాల వేగాన్ని నియంత్రించేందుకు స్పీడ్ గన్‌లను ఉపయోగించాలని భావిస్తున్నారు. మద్యం తాగి వాహనాలు నడపకుండా ట్రాఫిక్ పోలీసులు చర్యలు తీసుకుంటున్నారు. రాత్రి పూట చెక్ పోస్టులు ఏర్పాటు చేస్తున్నారు. హైదరాబాద్ ట్రాఫిక్ పోలీస్ శాఖ పరిధిలో సౌత్, నార్త్, ఈస్ట్, వెస్ట్, సెంట్రల్, వెస్ట్-సెంట్రల్ అనే 6 జోన్లున్నాయి. ఈ జోన్లలో ట్రాఫిక్ నియంత్రణ కోసం 2, 500 మంది కానిస్టేబుళ్లు పనిచేస్తున్నారు..
